A primaveira acelerase

As plantas están a florecer antes do previsto polos experimentos de quentamento ambiental desenvolvidos polos científicos, segundo se deduce dunha análise históricos de datos de 1.558 especies vexetais de catro continentes, recompilados durante varias décadas. As conclusións publícanse hoxe na revista Nature.

Os investigadores desenvolven habitualmente experimentos nos que manipular a temperatura ambiental en torno a pequenos cultivos de plantas para descubrir como reaccionan cando a calor aumenta. As respostas das plantas incorpóranse a modelos que se usan para predicir que cambios experimentarán os ecosistemas se o cambio climático continúa segundo o previsto. Non obstante, un grupo de científicos chegou á conclusión de que as previsións poden quedarse curtas, xa que os datos históricos indican que os cambios que causa o quentamento son superiores aos estimados. A primavera empeza antes e a floración das plantas acelérase máis do que mostran os experimentos. En concreto, os rexistros históricos mostran que as flores aparecen entre 5 e 6 días antes por cada grao centígrado que se eleva a temperatura media.

Os estudos de fenoloxía, é dicir, a relación entre factores climáticos e ciclos de seres vivos como a floración, proporcionan información moi valiosa sobre as respostas das plantas ao cambio climático.