Sobre Springfield ( Los Simpsons)

Matt Groening desvela onde está a Springfield de Los Simpsons

 Un dos grandes segredos da famosa serie Los Simpsons era a situación exacta da cidade de Springfield. Agora o seu creador, Matt Groening, revelou nunha entrevista publicada en Smithsonianque Springfield está baseada na cidade do mesmo nome situada no estado de Oregón.

En todo Estados Unidos existen 35 cidades e, segundo o propio Groening, cando creou a serie "parecíame divertido que houbese moita xente que se sentise identificada co nome da cidade". De feito, cando nalgún capítulo Homer indicaba no mapa onde estaba a cidade, sempre algo lle molestaba ou se poñía diante impedindo que os fans visen a súa situación exacta.

Agora, despois de 23 tempadas e máis de 500 capítulos, o principal artífice da serie decidiu que xa era hora de que os seguidores de Los Simpsons soubesen onde está a inspiradora cidade. Como explica na entrevista, chameina Springfield por Springfield, en Oregón" e é que o propio Groening se criou a apenas 180 quilómetros ao norte desta cidade, en Portland. Non obstante, explicaba que a súa verdadeira inspiración a encontrou nunha serie televisiva: cando era neno o programa "Father Knows Best" tiña lugar na cidade de Springfiel e eu estaba entusiasmado porque imaxinaba que era na que estaba preto de Portland. Cando crecín decateime que era un nome ficticio".
Que diferenzas e similitudes hai entre a realidade e a ficción?
A cidade de Springfield en Oregón ten unha poboación aproximada duns 60.000 habitantes mentres que a cidade imaxinaria da serie apenas supera os 30.00 veciños. Igualmente a data de creación da cidade é completamente distinta. Mentres que a verdadeira urbe se fundou coa chegada da familia Briggs en 1848 e foi recoñecida como cidade en 1885, a cidade onde viven os Simpsons foi creada por Jebediah Springfield en 1796.
 Os personaxes famosos da serie son bastante máis estrafalarios e coñecidos que os reais. Mentres que o magnate Montgomery Burns e Krusty o pallaso lideran o ranking na ficción, na realidade o escritor Ken Kesey, o atleta olímpico Bill Dellinger e o congresista Peter DeFazio forman a lista de personaxes destacados nacidos nesta localidade.

Igualmente na entrevista Matt explicou que a familia Simpson é unha representación da súa propia: a súa nai chámase Margaret, as súas irmás Lisa e Maggie e o seu pai chámase Homer.

Os fans dos Simpsons xa non terán que percorrerse todo Estados Unidos buscando a inspiradora cidade da serie. Simplemente terán que viaxar ás coordenadas 44º 3'11" N 122º 59'28 " O para estar no lugar onde Bart, Homer e o resto da familia Simpson vive e teñen as súas aventuras.